奇難雜症系列 3：為甚麼學生總是將轉位琶音彈成其他調性的琶音，還要懵然不知？

圖片來源: http://imgarcade.com/1/piano-funny-cat/

真人真事。

學生A─16歲插班生，學ABRSM第7級。

老師：C major arpeggio in 1^st inversion

學生A：﹝彈﹞E-G-B (etc.)

學生眼中的"C major arpeggio, 1st inversion": E-G-B

老師：咦，同學你彈錯了啦！唔係E minor arpeggio喎

學生A：﹝不忿地﹞我冇彈錯呀！

老師：唔係喎，C major arpeggio in 1^st inversion係咁樣㗎喎。﹝彈﹞E-G-C (etc.)

 

正確的"C major arpeggio, 1st inversion": E-G-C

老師：我估你梗係喺屋企練錯咗了

學生A：﹝堅決地﹞我冇練錯呀！

老師：咁肯定？會唔會練錯咗自己唔知呀？

學生A：﹝發脾氣﹞冇哇冇哇，肯定冇練錯呀！

老師：咁C major arpeggio 1^st inversion有D咩音？

學生A：咪由C major arpeggio中間個音開始囉！

老師：不如數吓有咩音比我聽？

學生A：﹝不耐煩﹞咪E-G-B囉！

老師：嗱，E minor 係E-G-B，如果C major arpeggio 1^st inversion又係E-G-B，咁有咩分別呀？

學生A：…

老師：C major arpeggio係C-E-G，只有這幾個音，沒有其他。1^st inversion的話，就是E-G-C。

學生A：我仲以為1st inversion就是由中間個音開始，然後隔住隔住彈 …

由於ABRSM第一至六級琶音都只考原位﹝root position﹞，因此不少學生初學轉位和弦琶音時，只知由原位「中間的音」開始，然後套用過去彈奏琶音的感覺﹝例如「隔一個鍵再隔一個鍵」﹞，無視和弦本身由哪些音名組成，於是很容易像學生A一樣，彈成其他熟悉而相似的琶音；而由於E小調原位琶音﹝E minor arpeggio, root position﹞是學生A早已學會的, 聽起來既熟悉又順耳，因此學生A便以為自己已盡責練習，絲毫不覺得犯了錯，更覺得自己被老師冤枉。

第八級琶音考試範圍包括原位、第一轉位和第二轉位，情況只有更混亂。例如，升F小調第一轉位﹝F# minor 1^st inversion ﹝A-C#-F#﹞﹞，學生隨時彈成A major ﹝A-C#-E﹞、A minor ﹝A-C-E﹞、D major ﹝A-D-F#﹞, D minor ﹝A-D-F﹞或 F major﹝A-C-F﹞，而且對錯誤聽而不聞。

因此教轉位琶音時，老師必須注意用詞，不能因為省字貪方便，說成「第一轉位就是由琶音中間音符開始」、「第二轉位就是由琶音第三個音開始」﹝教學法將另文討論﹞。假如學生概念出錯，就應首先糾正概念，否則不論老師還是學生，都很容易覺得洩氣。